Сибирде аз калган манси эли
Уралдын түндүгүндө аз сандагы манси эли жашайт. 12 миңге чукул мансилердин 200дөйү Свердлов облусун байырлайт. Аңчылык кылып, балык уулап жан баккан элдин жашоо турмушу соңку жылдары кыйындап барат. Анткени кен казган компаниялар тайганы талкалап, туристтер менен башка жактан келген мергенчилер жапайы жаныбарларды үркүтүп, кырып жатат. Тиричилиги токойго байланган мансилер келечеги үчүн кооптонушат.