Линктер

ЧУКУЛ КАБАР!
19-Июль, 2024-жыл, жума, Бишкек убактысы 02:18

Дан келишиминен чыккандан кийин Орусия портторго сокку урду


Орус ракетасынын соккусунан кийин, Одесса шаары. 18-июль, 2023-жыл
Орус ракетасынын соккусунан кийин, Одесса шаары. 18-июль, 2023-жыл

Шейшембиге караган түнү орусиялык армия Николаев жана Одесса портторуна сокку урду. Мунун алдында Москва Кара деңиздеги порттордон украин дан азыктарын коопсуз чыгаруу келишиминен чыкканын билдирген.

Украин армиясынын "Түштүк" командачылыгы маалымдагандай, Одессага Кара деңизден алты "Калибр” ракетасы атылып, бардыгы атып түшүрүлгөн. Ракеталардын сыныктары жана жарылуунун эпкини порттун инфраструктурасына жана бир нече турак жайга зыян келтирди. Бир кишинин жараланганы кабарланды. Командачылык ошондой эле Одесса облусунун аймагынан 21 "Шахед" дрону атып түшүрүлгөнүн билдирди.

Николаев облусунда аба чабуулу тууралуу эскертүү берилди. Украин аскерлери орусиялык 4 пилотсуз учак атып түшүрүлгөнүн маалымдады. Облустук администрация башчысы Виталий Ким өрт өчүрүлгөнүн айтып, бирок ал кайда тутанганын тактаган жок. Жергиликтүү жана орусиялык булактар Николаев портундагы өрт тууралуу маалымдашкан. Жабыркагандар тууралуу кабарланган жок.

Аннексияланган Крымдын башчысы Сергей Аксенов шейшемби күну эртең менен түн ичинде украиналык 9 дрон атып түшүрүлгөнүн, дагы 19у атайын жабдыктар менен зыянсыздырылганын билдирди. Ал кайсы жайлар бутага алынганын тактаган жок. Бирок Аксенов сөз кылган аймакта Крым көпүрөсү орун алган. Алдынкы күнү ал жер украин пилотсуз аппараттар тарабынан соккуга кабылып, айрм жерлери урап калган.

Кийинчирек Орусиянын Коргоо министрлиги 17 дрон атып түшүрүлгөнүн, 11и зыянсыздырылганын билдирди. Жабыркагандар жана кыйроолор жок деп маалымдалды.

Согушуп жаткан тараптардын айткандарын оперативдүү тастыктоо кыйын.

Facebook шеринеси

XS
SM
MD
LG