Линктер

ЧУКУЛ КАБАР!
12-Июль, 2024-жыл, жума, Бишкек убактысы 22:47

Ысык-Көлдө кырсыктан кийин 200дөн ашык эс алуу жайы текшерилди


Эс алуу жайларын текшерүү учурунда тартылган сүрөт.
Эс алуу жайларын текшерүү учурунда тартылган сүрөт.

Чолпон-Ата шаарында эки адамдын өмүрүн алган кырсыктан кийин атайын жумушчу топ 229 курорттук-ден соолукту чыңдоочу жайды, 1096 жеке секторду, 29 суу транспортун, беш суу аттракционду текшерди.

Бул тууралуу Ысык-Көл облусунун милициясы билдирип, жыйынтыгында эреже бузуу боюнча 25 факты аныкталганын жана материалдар тиешелүү мамлекеттик органдарга тапшырылганын кошумчалады.

23-июлда 16 жаштагы бала катуу айдаган моторлуу кайык сүйрөп баратканда “таблетка” баллону Чолпон-Атада эс алуучулар отурган токтоп турган теплоходго урунган. Кырсыктан 23 жаштагы улан менен 19 жаштагы кыз жараат алып, 24-июлда ооруканада каза болгон. 21 жаштагы дагы бир кыз ооруканада дарыланууда.

Кырсыкка байланыштуу Кылмыш-жаза кодексинин “Этиятсыздыктан өлүмгө алып келүү” беренеси менен кылмыш иши козголгон. Шектелүүчү 26-сентябрга чейин мыйзамдуу өкүлүнүн көзөмөлүндө болот. Жабырлануучулар катердин 16 жаштагы айдоочусуна доо коюудан баш тартканы кабарланды.

Президент Садыр Жапаров бул окуядан кийин Ички иштер министрлигине (ИИМ) жана Ысык-Көл облусундагы ыйгарым укуктуу өкүлүнө эс алуучулар менен туристтердин коопсуздугун камсыздоону күчөтүү тапшырмасын берди. (BTo)

Facebook шеринеси

XS
SM
MD
LG