Линктер

ЧУКУЛ КАБАР!
13-Июль, 2024-жыл, ишемби, Бишкек убактысы 21:19

Киев Одессадагы порттор дагы дрон менен аткыланганын кабарлады


Орусия дан келишиминин мөөнөтүн узартуудан баш тарткандан кийин, Одессаны бир айга жакын убактан бери аткылап жатат.
Орусия дан келишиминин мөөнөтүн узартуудан баш тарткандан кийин, Одессаны бир айга жакын убактан бери аткылап жатат.

Украин бийлиги Орусиянын армиясы Одессадагы портторду дагы "Шахед" үлгүсүндөгү дрондор менен аткылаганын билдирди. Анда Одесса жана Николаев облусунун аймагында 13 учкучсуз аппарат атып түшүрүлгөнүн кабарлады.

Облустун аскердик администрациясынын башчысы Олег Кипердин сөзүнө караганда, чабуулда Дунайдагы порттордун биринин кампалары, дан сакталган жай, айыл чарба техникалары жабыркады. Тутанган өрт өчүрүлдү. Баштапкы маалыматтарга ылайык, жараат алгандар болгон жок.

Расмий Москва бул чабуулдар тууралуу маалымат берген жок.

Орусия дан келишиминин мөөнөтүн узартуудан баш тарткандан кийин, Одессаны бир айга жакын убактан бери аткылап жатат.

Киев Москванын көздөгөнү дан экспортун үзгүлтүккө учуратуу экенин билдирген. Орус армиясы портко жасалган чабуулдун аскердик максаты гана бар экенин айтып, Крым көпүрөсүндөгү жардырууга жооп иретинде жасалды деп түшүндүргөн.

Facebook шеринеси

XS
SM
MD
LG