Линктер

ЧУКУЛ КАБАР!
21-Июль, 2024-жыл, жекшемби, Бишкек убактысы 01:37

Өзбекстан: Kompromatuzb иши менен камалган журналисттерге сот чечими чыкты


Мавжуда Мирзаева жана Хуршид Далиев.
Мавжуда Мирзаева жана Хуршид Далиев.

Өзбекстанда Kompromatuzb ишинин алкагында кармалган журналисттерге 26-сентябрда сот чечими чыкканын Жогорку Соттун басма сөз кызматы билдирди.

Ташкенттин Шайхантахур райондук соту Human.uz сайтынын негиздөөчүсү Хуршид Далиев менен "Өзбекнефтгаз" ишканасынын басма сөз катчысы Сиёвуш Хошимовду жети жылга кести.

Эмгек министрлигинин мурдагы маалымат катчысы Мавжуда Мирзаевага үч жылдык, Ахмадулла Ахмаджановге беш жылдык эркиндигин чектөө жазасы берилди. Алар бул аралыкта өлкөдөн сыртка чыга албайт.

Прокурор аларга алты жылдан 15 жылга чейин камак жазасын сураган.

Аларга "жалган жалаа жабуу", "опузалап акча талап кылуу", "кылмыштуу жол менен тапкан кирешелерин адалдаштыруу" жана "салык төлөөдөн качуу" беренелери менен айып тагылган.

Тергөөнүн версиясына караганда, айыпталгандар Kompromatuzb Телеграм-каналына маалыматтарды чыгарабыз деп коркутуп, ар кимден акча алышкан. Соттолгондор коюлган айыпты четке кагышкан.

Facebook шеринеси

XS
SM
MD
LG