Тоолуу Карабактан Армения качкандар, 29-сентябрь, 2023-жыл.
Жикчил Тоолуу Карабакты таштап Арменияга качкан армян тектүү жарандардын саны 100 миңге чукулдады. Бул тууралуу Ереван 29-сентябрда кечинде кабарлады. Армян өкмөтү алардын ичинен 20 миңден ашыгы мамлекеттик турак жай менен камсыз болгонун билдирди.
Жыл башындагы маалыматка караганда, Тоолуу Карабакта 120 миңдей адам жашап жаткан.
Аталган жикчил аймактын бийлиги 20-сентябрдан Азербайжандын шарттарына баш ийип, багынып берүүгө макул болгон жана көп өтпөй ал жактан армян тектүү жарандар жапырт чыгып кете баштаган.
Армениянын премьер-министри Никол Пашинян 28-сентябрда жасаган билдирүүсүндө Бакуну "этностук тазалоого" айыптаган. Азербайжандын бийлиги дооматты четке кагып, Тоолуу Карабакта жашагандарды азери коомуна "реинтеграция" кылуу аракетин көрүп жатканын билдирген.
28-сентябрда эл аралык коомчулук тааныбаган аймактын лидери Самвел Шахрамян "Тоолуу Карабак республикасы" деген түзүмдү 2024-жылдын 1-январында жоюу тууралуу буйрукка кол койгон.
Тоолуу Карабактан агылган качкындар үчүн аймакты Армения байланыштырган Лачын коридорунун жанында гуманитардык борбор ачылган.
Тоолуу Карабактан качкан армяндар
1/12Качкындар Тоолуу Карабактан Армениянын Корнидзор кыштагын көздөй бара жатат.
Армяндардын жапырт чыгып кетиши Бакунун аймакты толук көзөмөлгө алганынан кийин болду.
Тоолуу Карабактан Арменияны көздөй качкандардын саны көбөйдү. Алар жолдо тамак-аш тартыштыгынан жана ар кандай тоскоолдуктардан улам кыйналууда.
2/12Жол кыймылынын жанданышын күткөн качкындар Армения менен чектеш жолдо отко жылынып турушат. 25-сентябрь, 2023-жыл.
Акыркы отуз жылда Армения менен Азербайжан Тоолуу Карабак үчүн эки жолу согушкан. Аймак Советтер Союзу кыйрагандан кийин этникалык армяндар байырлаган Азербайжандын анклавы катары таанылган.
Тоолуу Карабактан Арменияны көздөй качкандардын саны көбөйдү. Алар жолдо тамак-аш тартыштыгынан жана ар кандай тоскоолдуктардан улам кыйналууда.
3/12Спутниктен тартылган сүрөттөрдөн Армения менен Тоолуу Карабакты байланыштарган жалгыз маршрут Лачын коридорундагы тыгынды көрүүгө болот. 26-сентябрь, 2023-жыл.
Аймак 1994-жылы аяктаган согуштан кийин Армения колдогон этникалык армяндардын көзөмөлүнө өткөн. 2020-жылы Азербайжан аймактын көпчүлүк бөлүгүн жана ага коңшулаш жерлерди өзүнө кайтарып алган.
Тоолуу Карабактан Арменияны көздөй качкандардын саны көбөйдү. Алар жолдо тамак-аш тартыштыгынан жана ар кандай тоскоолдуктардан улам кыйналууда.
4/12Качкындар Тоолуу Карабактан Арменияга бараткан жолдо машинесин оңдоп жатат.
2020-жылдагы согуш Орусиянын ортомчулугу менен аяктап, аймакка орусиялык тынчтык түзүмдөрү жайгаштырылган. Бирок бул күчтөр азери армиясы Тоолуу Карабакта "терроризмге каршы операция" жүргүзгөндө чатакты токтотууга аракет кылган жок.
Тоолуу Карабактан Арменияны көздөй качкандардын саны көбөйдү. Алар жолдо тамак-аш тартыштыгынан жана ар кандай тоскоолдуктардан улам кыйналууда.
5/12Минивэнди жана качкындарды салып бараткан оор жүк ташуучу унаа.
Азербайжан чабуул койгонго чейин Тоолуу Карабакты бир нече ай курчап, ага барчу Лачын коридорун жаап салган. Баку муну аймакка мыйзамсыз курал-жарак кириши мүмкүн деп түшүндүргөн. Блокада 120 миңдей тургундардын жашоого керектүү товарларды алышына тоскоолдук кылган.
Тоолуу Карабактан Арменияны көздөй качкандардын саны көбөйдү. Алар жолдо тамак-аш тартыштыгынан жана ар кандай тоскоолдуктардан улам кыйналууда.
6/12Арменияга бараткан качкындар машинеден карап турат. Көпчүлүк качкындар жолдо калган, тамак-аш жана суу тартыш.
Азербайжан жолду 24-сентябрда ок атышууну токтоткон макулдашууга кол коюлгандан төрт күн өткөндөн кийин ачкан.
Тоолуу Карабактан Арменияны көздөй качкандардын саны көбөйдү. Алар жолдо тамак-аш тартыштыгынан жана ар кандай тоскоолдуктардан улам кыйналууда.
7/12Армян качкындарын салган жүк ташуучу машине Лачын көзөмөл-өткөрмө бекетинде турат. Бул жерди азери чек арачылары жана орусиялык тынчтык күчтөрү көзөмөлдөйт.
Азербайжан бийлиги этникалык армяндардын укугун сактоого убада берүүдө, бирок Ереван "этникалык тазалоо" болушу мүмкүн экенин эскертти.
Тоолуу Карабактан Арменияны көздөй качкандардын саны көбөйдү. Алар жолдо тамак-аш тартыштыгынан жана ар кандай тоскоолдуктардан улам кыйналууда.
8/12Корнидзор айылына келген армяндар.
Тоолуу Карабактан Арменияны көздөй качкандардын саны көбөйдү. Алар жолдо тамак-аш тартыштыгынан жана ар кандай тоскоолдуктардан улам кыйналууда.
9/12Качкындар Ереванга кетүү үчүн жүк ташуучу машинеде отурат.
АКШнын Мамлекеттик катчысы Энтони Блинкен Азербайжан президенти Илхам Алиевди 26-сентябрда Тоолуу Карабактагы жай тургундарды коргоого чакырган.
Тоолуу Карабактан Арменияны көздөй качкандардын саны көбөйдү. Алар жолдо тамак-аш тартыштыгынан жана ар кандай тоскоолдуктардан улам кыйналууда.
10/12Армян качкындары Гористеги Кызыл чырым уюмунун каттоо борборунда отурушат.
Блинкен Бакуну Тоолуу Карабакка гуманитардык жүктү тоскоолдуксуз өткөрүүгө чакырды.
Тоолуу Карабактан Арменияны көздөй качкандардын саны көбөйдү. Алар жолдо тамак-аш тартыштыгынан жана ар кандай тоскоолдуктардан улам кыйналууда.
11/12Тоолуу Карабактагы Степанакерттеги күйүүчү май сактаган кампада болгон жарылууда жабыркаган адам. Ал Еревандагы күйүк борборуна жаткырылды.
Жикчил аймактын акыйкатчысы Гегам Степанян "Азаттыктын" армян кызматына жарылууда 68 адам каза тапканын билдирди. Жарылуу адамдар түшкөн машине Арменияга бараткан жолдо бензин куюу үчүн кезекте турганда болгон.
Тоолуу Карабактан Арменияны көздөй качкандардын саны көбөйдү. Алар жолдо тамак-аш тартыштыгынан жана ар кандай тоскоолдуктардан улам кыйналууда.
12/12Башынан жараат алган улгайган аял Гористеги каттоо борборунда турат. 27-сентябрь. Аялдын үй-бүлөсү түшкөн машине Тоолуу Карабактан качып келе жатканда жол кырсыгына кабылган.
Азербайжандын Саламаттык сактоо министрлиги 27-сентябрда азери күчтөрү чабуул койгон маалда 192 аскери курман болуп, 511и жараат алганын билдирген.
Тоолуу Карабактагы этникалык армяндардын өкүлдөрү аскердик аракеттер учурунда 200дөй адам өлгөнүн, анын 10у жай тургун экенин, 400 адам жарадар болгонун билдиришкен.
Тоолуу Карабактан Арменияны көздөй качкандардын саны көбөйдү. Алар жолдо тамак-аш тартыштыгынан жана ар кандай тоскоолдуктардан улам кыйналууда.
