Линктер

ЧУКУЛ КАБАР!
15-Июль, 2024-жыл, дүйшөмбү, Бишкек убактысы 10:39

Варшавада оппозициянын акциясына жүз миңдеген адам чыкты


Варшавада өткөн оппозициянын митингине түмөндөгөн адам катышты. Польша. 1-октябрь, 2023-жыл.
Варшавада өткөн оппозициянын митингине түмөндөгөн адам катышты. Польша. 1-октябрь, 2023-жыл.

Польшанын баш калаасы Варшавада 1-октябрда оппозициянын тарапташтарынын "Миллион жүрөктүн маршы" деп аталган акция өттү. Шаар бийлигинин эсебинде, демонстрацияга миллионго жакын адам чогулду.

"Жарандык платформа" оппозициячыл кыймылы уюштурган митингдин катышуучулары ак-кызыл желектерди көтөрүп, Варшаванын борбордук аянтын жана көчөлөрдү ээлешти.

"Мен жүз миңдеген жылмайган жүздөрдү көргөндө мекенибиздин тарыхында өзгөрүү күндөрү жакындап калганын сезип турам", - деди "Жарандык платформанын" башчысы Дональд Туск.

Ошол эле күнү өлкө түштүгүндөгү Катовица шаарында өткөн бийликтеги "Укук жана адилеттүүлүк" партиясынын курултайына он миңдей адам катышты.

Польшада 15-октябрда шайлоо өтөт. Сурамжылоолорго караганда, аталган партия жана анын өнөктөштөрү алдыда келатканы менен парламенттеги көпчүлүк орунга ээ боло албай калышы мүмкүн. Туск жана анын тарапташтары бийликтеги партияны Польшаны Евробиримдиктен чыгаруу жана аялдардын, азчылыктардын укуктарын чектөө аракеттери үчүн сынга алып келишет. Ал эми бийликтеги партия оппозицияны "мигранттарга жол ачууну көздөйт" деп айыптап келет.

Facebook шеринеси

XS
SM
MD
LG