Орус аскерлери Авдеевкадагы ири химиялык заводду толугу менен көзөмөлүнө алганын билдирди. Орусия Украинага каршы согуш баштаганынын эки жылдыгы алдында украин куралдуу күчтөрү таш-талканы чыккан шаарды калтырып кеткен. Орусияда түрмөдө табышмактуу жагдайда каза болгон оппозиционер саясатчы Алексей Навальныйдын жесири Юлия Навальная күйөөсүнүн ишин улантууга убада берди. Бир нече депутат “экс-бажычы Райымбек Матраимовго байланышы бар болгону үчүн мандатын тапшырышы керектиги” тууралуу сөздөргө жооп кайтарды. Алар Матраимовду тааный турганын, бирок жакын мамилеси болбогонун билдирүүдө.