Москвадагы кыргыз дипломатынын үй-бүлөсүнө жасалган орой мамилени Кыргызстандын Тышкы иштер министрлиги айыптап, нота тапшырды. Мунун алдында орус полициясы элчиликтин кеңешчиси Манас Жолдошбековдун үйүнүн эшигин бузуп кирип, күч колдонгону кабарланган. Казакстандын парламенти үй-бүлөлүк зомбулук жана балдарды зордуктоого айыпталгандардын жазасын катуулаткан мыйзам кабыл алды. Өлкөдө аялын уруп өлтүрүүгө шектелген экс-министр Бишимбаевдин соту чуу жаратууда. Кыргызстандын Өзбекстандын аймагында жайгашкан Барак эксклавынын тургундары Оштун Кара-Суу районуна көчүрүлдү. Бишкек аталган айылды Ташкент менен башка жерге алмашкан.