1-майда кечке маал Бишкекте катуу шамал болот деп Аба ырайын аныктоо борбору билдирди. Шамалдын ылдамдыгы секундасына 15-25 метрге жетет.
2-майда түнкүсүн Ысык-Көл, Нарын облустарынын көпчүлүк аймактарында, Чүй облусунун айрым жерлеринде, Жалал-Абад облусунун тоо этектеринде жаан жаап, күн күркүрөшү ыктымал. Бийик тоолуу райондордо кар түшөт.
Жалал-Абад облусунун өрөөндөрүндө, Талас, Ош жана Баткен облустарында жаан-чачын күтүлбөйт.
Бийик тоолуу райондордо жолдор тоңголок жана тайгак болот. Батыштан соккон шамалдын ылдамдыгы секундасына 4-9 метрге, Ысык-Көл акваториясында 15-20 метрге жетиши мүмкүн.
Абанын температурасы:
Чүй өрөөнүндө түнкүсүн 5…10, күндүз 20…25 жылуу.
Суусамырда түнкүсүн -2…+3 градус, күндүз +13…+18.
Талас облусунда +4…+9, күндүз +19…+24.
Баткен, Ош жана Жалал-Абад облусутарында түн ичинде +5…+10, күндүз +20…+25 градус.
Нарындын дыйканчылык аймактарында түнкүсүн +1…+6, күндүз +15…+20.
Бийик тоолуу райондордо тун ичинде -6…-11, күндүз +1…+6.
Бишкек шаарында 2-майда түнкүсүн жаан жаап, күн күркүрөшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт. Аба табы түнкүсүн +8…+10°, күндүз +23…+25 градус жылуу болот.
Facebook шеринеси