Төө-Ашууда кар жаап, Бишкек-Ош автоунаа жолунда түнкүсүн миңдей автоунаа тыгында калды. Жол тазаланып, машинелерге каттам кайрадан ачылды. Украин президенти Владимир Зеленский Орусияга каршы согуштагы "Жеңиш планын" көрсөттү. Ал тапта Украинанын 14 облусу чабуулга кабылса, Орусиянын Курск облусунда айыгышкан кармаш уланууда. Парламенттин комитеттери интернетте жана медиада жалаа жабууга айып пул салган мыйзам долбоорунун концепциясын жактырды. Документ азыркы редакциясында кабыл алынса, жалаа жапты делген адамга 100 миң сом айып салынат.