Украиналык дрондор Казан, Саратов жана Энгельс шаарларына чабуул койгонун, өнөр жай ишканаларында өрт тутанганын Орусиянын жергиликтүү бийликтери билдирди. Ал ортодо орус армиясы Украинанын жер-жерлерине сокку урду. Казакстанда жай тургундарды барымтага алган окуя эки кишинин өлүмү менен аяктады. Актөбө шаарында турак жайга кирип, тургундарын барымтага алган жаран кармалып, барымтадагы бир аял аман калды. Аксыда 51 жаштагы аялдын өлүмүнө күйөөсү шектелип кармалды. Аял эс-учун жоготуп ооруканага түшкөн бойдон өзүнө келе албай көз жумган.