Тышкы иштер министрлиги Орусиянын Кыргызстандагы элчисин чакырып, Москвада мончодо болгон окуя боюнча нота тапшырды. Орусияда иштеп жүргөн кыргыз жарандарынын аёосуз сабалышын депутаттар да айыптап, “зөөкүрдүк” катары сыпаттап жатышат. Кыргызстандын Конституциялык соту 2010-жылы бийликтен кулатылган Курманбек Бакиевдин адвокатынын өтүнүчүн карап, "мурдагы президентке чыккан сот өкүмү кайра каралууга жатат" деген чечим чыгарды. Бул коомчулукта талкуу жаратты.