"Шымына муунган". Айсулуунун өлүмүнө шектүү абакта асынды

17 жаштагы окуучу кыз Айсулуу Мукашеваны өлтүрүүгө шек саналып кармалган Кумарбек Абдыров тергөө абагында каза болду. Ал өз шымына асынып алганын Жаза аткаруу мамлекеттик кызматы билдирди. Абдыров №21 тергөө мекемесинин абак бөлмөсүндө өзүнүн шымын колдонуп, асылып турган абалда табылган. Былтыр сентябрда Боом капчыгайынан мыкаачылык менен өлтүрүлгөн секелектин денеси табылган. Шектүү өз көрсөтмөсүндө Айсулууну машинесине салып зордуктап, муунтуп өлтүргөн соң денесин капчыгайга ыргытып жибергенин айтып берген.