"Баткендеги болгон мүлкүмдү алып койгон". Адилеттик издеген ишкерлер

УКМКнын мурдагы кызматкерлеринин мыйзамсыз аракеттери боюнча ишкер, чиновниктерден 500дөй арыз түшкөнүн айрым басылмалар жазып чыкты. Башкы прокуратура арыздар бар экенин ырастап, бирок алардын санын тактаган жок. Ушул тапта Аскер прокуратурасы УКМК кызматкерлеринин үстүнөн бир нече териштирүү жүргүзүп жатканы айтылды. Жабыркадык деген айрым ишкерлер "Азаттыкка" кайрылып, адилеттик издеп жатканын айтышты.