Орусия: Туапседеги мунай заводуна кайра сокку урулду

Орусиянын Туапсе шаарындагы мунай заводго 28-апрелге караган түнү кайрадан дрон менен сокку урулду. Анын натыйжасында ишканада өрт тутанды. Жабыркагандар жок. Заводго жакын жашагандар коопсуз жакка көчүрүлө баштаганын жергиликтүү бийлик билдирди. Бул заводго апрель айында коюлган үчүнчү чабуул. Анда күйүүчү заттар абаны булгап, жамгырга аралашып жер-суунун баарына түшкөн. Андан тышкары Кара деңизге мазут төгүлгөн.