Кытайдын Шаньси провинциясындагы көмүр шахтада жарылуу болду. Акыркы маалыматтар боюнча, 90 адам мерт кеткенин Кытайдын Борбордук телеканалы билдирди.
Газдын жарылуусу жума күнү кечинде шахтада 247 адам бар кезде болгон.
"Синьхуа" агенттиги маалымдагандай, урандылардын алдында тогуз адам калган, издеп-куткаруу иштери уланып жатат.
Кытайдын лидери Си Цзиньпин аман калгандарды куткарууга жана жабыркагандарга жардам берүүгө болгон күчтү үрөөгө чакырды.
Мамлекеттик телеканалдар маалымдашынча, шахтадагы зыян газдын деңгээли "тиешелүү нормадан ашып түшкөн".
Шахтанын жетекчилиги кармалганы кабарланды. Маалыматка ылайык, көмүр шахтасын Tongzhou Group компаниясы башкарат.
Дагы караңыз
Шерине