"Талибан" бийлигине беш жыл: Ооган аялдарынын оор турмушу

"Талибан" кыймылы Ооганстандагы бийликти басып алганына 15-августта беш жыл болот. Согушкер топтун тушунда эл аралык жардамдан кол үзгөн өлкө экономикалык каатчылыкка батып, медицина тармагы жапа чегүүдө. БУУнун 2023-жылкы баяндамасына ылайык, Ооганстанда 100 миң төрөткө 521 аялдын өлүмү туура келген. Мындай абалды кыз-келиндердин билим алуусуна салынган тыюу, алардын укуктарын чектөө татаалдаштырып жатат.