"200дөй кеме чөктүрүлгөн". Дунайдагы окуяны эске салган табылгалар
Дунай дарыясында суунун деңгээли төмөндөп, Сербияда нацисттик аскердик кемелер, ал эми Венгрияда Экинчи дүйнөлүк согуштан калган мотоцикл табылды. Быйыл жайында Европада күн аябай ысып, кургакчылык көп аймактарды каптады.
1
Сербиянын Прахово шаарынын чет жакасы, 2026-жылдын 13-августу.
Адамдар Германиянын аскердик кемесинин калдыктарын карап турушат. Бул кеме Экинчи дүйнөлүк согуштан калган тарыхый артефакттардын бири. Кургакчылыктын айынан Дунай дарыясынын суусу тартылып, астындагылар көрүнө баштаган.
Адамдар Германиянын аскердик кемесинин калдыктарын карап турушат. Бул кеме Экинчи дүйнөлүк согуштан калган тарыхый артефакттардын бири. Кургакчылыктын айынан Дунай дарыясынын суусу тартылып, астындагылар көрүнө баштаган.
2
Фото сүрөтчү Стефан Стоянович "Эркин Европа/Азаттыкка" айтып бергендей, Сербиянын чыгышындагы Прахово шаарынын четинен Экинчи дүйнөлүк согуш учурунда чөккөн бир нече кемени көрүүгө болот.
Ал кемелердин бирин карап чыгып, ичин аралоо кооптуу экенин айтты. «Астынын баары майышып бараткансып турат экен», — деди ал.
Ал кемелердин бирин карап чыгып, ичин аралоо кооптуу экенин айтты. «Астынын баары майышып бараткансып турат экен», — деди ал.
3
Дунай дарыясындагы немис кемелеринин дагы бири.
Праховонун чет жакасында суунун үстүндө көрүнүп турган кемелер Германиянын Кара деңиз флотунун 1944-жылы чөктүрүлгөн 200дөй кемесинин айрымдары гана. Вермахт флот бастырып келаткан Советтик армиянын колуна түшүп калуусуна жол бербөө жана дарыя аркылуу каттамды кыйындатуу максатында кемелерди чөктүрүү буйругун берген.
Праховонун чет жакасында суунун үстүндө көрүнүп турган кемелер Германиянын Кара деңиз флотунун 1944-жылы чөктүрүлгөн 200дөй кемесинин айрымдары гана. Вермахт флот бастырып келаткан Советтик армиянын колуна түшүп калуусуна жол бербөө жана дарыя аркылуу каттамды кыйындатуу максатында кемелерди чөктүрүү буйругун берген.
4
Дунай дарыясынын суусу азайып жаткан башка жерлеринен да согуш мезгилинен калган ар түрдүү артефакттар пайда болууда. Бул нацисттерге таандык мотоцикл Будапешттеги парламент имаратынын жанындагы дарыянын түбүндө 80 жылдан ашык убакыт жаткан.
Венгриянын Улуттук суу ресурстары башкармалыгы Будапешт аймагындагы Дунай дарыясынын деңгээли байкоо жүргүзүлгөн тарыхтагы эң төмөнкү чекке түшкөнүн билдирди.
Венгриянын Улуттук суу ресурстары башкармалыгы Будапешт аймагындагы Дунай дарыясынын деңгээли байкоо жүргүзүлгөн тарыхтагы эң төмөнкү чекке түшкөнүн билдирди.
5
Мотоциклдин жанынан нацисттик эки аскердин сөөгү жана Waffen SS деген жазуусу бар аскердик белгилери табылган. Мындан тышкары, Таман жарым аралындагы (азыркы Орусиянын аймагы) кызматы үчүн берилген медаль да табылган (сүрөттө төмөндө).
6
Праховонун чет жакасында сууда жаткан немис аскердик кемесинин жанында кайыкта отурган балыкчы.
Акыркы жылдары бул аймакта кеме каттамын жеңилдетүү максатында чөгүп жаткан бир нече немис кемеси суунун түбүнөн чыгарылган. Бирок айрым кемелердин ичинен жарылуучу заттар табылгандыктан аларды көтөрүп чыгуу иштери кыйындаган.
Акыркы жылдары бул аймакта кеме каттамын жеңилдетүү максатында чөгүп жаткан бир нече немис кемеси суунун түбүнөн чыгарылган. Бирок айрым кемелердин ичинен жарылуучу заттар табылгандыктан аларды көтөрүп чыгуу иштери кыйындаган.
7
2024-жылдын август айында Сербиянын Миналарды зыянсыздандыруу борборунун адистери Прахового жакын жерден Дунай дарыясынан немис кемесин көтөрүп чыгуу учурунда ушул жарылбай калган ок-дарыларды табышкан.
8
Сербиянын Нови-Сад шаарына жакын Дунай дарыясында суунун тартылышынан улам кум арал көрүнүп калды. Сүрөт быйыл 7-августта тартылган.
Нови-Саддын аймагынан Экинчи дүйнөлүк согуштан калган бир нече жарылуучу зат табылган. Алардын арасында миномёттун снаряды жана авиациялык бомба да бар.
Нови-Саддын аймагынан Экинчи дүйнөлүк согуштан калган бир нече жарылуучу зат табылган. Алардын арасында миномёттун снаряды жана авиациялык бомба да бар.
9
Будапештте Дунай дарыясынын суусу тартылып, түбүнүн бир бөлүгү сыртта калды. Сүрөт 29-июлда тартылган.
Акыркы күндөрү Будапешттен ар кандай ок-дары жана жарылып кетиши ыктымал болгон кооптуу буюмдар табылды. Алардын арасында, болжолдуу маалыматтарга караганда, XIX кылымга таандык замбирек огу да бар.Дунай дарыясынын боюнда жайгашкан бир катар өлкөлөрдүн бийлиги тургундарды мындай адаттан тыш табылгаларга тийбөөгө чакырып, эгер снаряддар же башка жарылуучу заттар табылса, дароо полицияга кабарлоо керектигин эскертишти.
Акыркы күндөрү Будапешттен ар кандай ок-дары жана жарылып кетиши ыктымал болгон кооптуу буюмдар табылды. Алардын арасында, болжолдуу маалыматтарга караганда, XIX кылымга таандык замбирек огу да бар.Дунай дарыясынын боюнда жайгашкан бир катар өлкөлөрдүн бийлиги тургундарды мындай адаттан тыш табылгаларга тийбөөгө чакырып, эгер снаряддар же башка жарылуучу заттар табылса, дароо полицияга кабарлоо керектигин эскертишти.
