Атайын кызмат Threads социалдык тармагынын эки колдонуучусун кармап, аларды бийликти күч менен басып алууга чакырык жасаган деп айыптоодо. Акыркы маалда дал ушул соцтүйүндө бийликке сын айткан пикирлер байкалып жатат. Кыргыз өкмөтү күйүүчү майдын тартыштыгын алдын алуу аракетин көрүүдө. Ушул айда Орусиядан 100 миң тоннадан ашык кара май алып келээри күтүлүүдө. Казакстан жаңы Конституция кабыл алынгандан кийинки алгачкы парламенттик шайлоого камынууда. Өлкөдө Сенат менен Мажилистен турган эки палаталуу парламент жоюлуп, анын ордуна 145 депутаттан турган Курултай түзүлөт.