Экс-министр Ажикеевдин аты аралашкан “чырлуу” курулуш

Мурдагы Өзгөчө кырдаалдар министри Бообек Ажикеевдин ишмердүүлүгүнө байланыштуу Башкы прокуратура тергөө амалдарын жүргүзүп, текшере баштаганы белгилүү болду. Буга чейин "Кыргызгидрометтин" кызматкерлери Ажикеевдин тушунда “Байтик” станциясындагы курулуш "мыйзамсыз салынган" деп доомат коюп жатат. "Кыргызгидрометтин" азыркы жетекчиси курулуштун документтери жок экенин айтты.