Орусияда кыргыз мигранттын кызы терроризмге айыпталды

Орусияда 15 жаштагы кыргызстандык кыз “теракт” жасоого шектелип, жети жылга кесилди. Секелек ушул жылдын 23-февралында Санкт-Петербургдагы май куйган жайды өрттөөгө шектелип кармалган. Орус медиасы жазгандай, 19-августта аскердик сот кызды жети жылга кесип, 3 млн рубль төлөөгө милдеттендирди. Жашы жете элек кыздын ата-энеси кыргызстандыктар экени, алар Санкт-Петербургда иштеп жүрүшкөнү маалымдалды. “Азаттык” өспүрүмдүн жакындары менен байланышканда белгилүү себептен улам алар комментарий берүүдөн баш тартты.