Министрлер кабинетинин төрагасынын биринчи орун басары Данияр Амангелдиев өкмөт 2027-жылы Кыргызстанда инфляциянын деңгээлин 8 же 9% чейин түшүрүүнү максат кылып жатканын билдирди.
Бул тууралуу ал Жогорку Кеңештин Өнөр-жай саясаты, транспорт, отун-энергетикалык комплекс, архитектура жана курулуш комитетинин 21-сентябрдагы жайынында айтты.
Данияр Амангелдиев өкмөт бааларды турукташтырууга жана инфляцияны ооздуктоого 39 млрд сомго жакын каражат бөлөрүн кошумчалады. Ал фермелерди колдоо, дан азыктарын кошумча нарк салыгынан бошотуу жана күйүүчү-майлоочу май ташыган компанияларга субсудия берүүнү улантуу сыяктуу аракеттер жүрүп жатканын кабарлады.
Улуттук банк жакында эле экинчи кварталда инфляция деңгээли 11% ашканын, өлкөдөгү баа муну менен токтобой, жыл аягына чейин инфляция 15% жетиши мүмкүн экенин маалымдаган. Кескин кымбаттоо кызмат көрсөтүү, эт жана башка азык-түлүктө сезилген. (BTo)
Шерине