АКШнын Мамлекеттик катчысы Марко Рубио Самаркандда Борбор Азиянын беш өлкөсүнүн тышкы иштер министрлери менен жолукту. Анда Вашингтондун аймак менен кызматташтыгын кеңейтүү маселелери талкууланды. Кыргызстандын соту өздөрүн “Шумкар” оппозициялык кыймылы деп атаган төрт жарандын ишмердигин экстремисттик деп тапты. Алар социалдык тармактар аркылуу бийликке карата кескин билдирүүлөрдү жасап келатат. Президенттик шайлоого катышуу ниетин билдирген саясатчы Сыймык Жапыкеев “түн ичинде коңшуларынын тынчтыгын бузду” деген негизде милицияга жеткирилди.