Тоолуу жолдорго кар жаап, кум-шагыл себилди. Бул тууралуу Транспорт жана коммуникациялар министрлигинин маалымат кызматы кабарлады.
Маалыматка ылайык, 29-октябрь күнү таңга жуук Бишкек-Ош жолунун 125-139-чакырым аралыгында кар жааган.
Автоунаа кыймылын үзгүлтүккө учуратпоо максатында жол тейлөө мекемесинин кызматкерлери жолго кум-туз аралашмасын себишти.
Ошондой эле Ош – Сары-Таш – Эркечтам жолунун Талдык жана Тоң-Мурун ашууларында кар жаап жатканы эскертилди. Бул жакта да жол тейлөө мекемесинин кызматкерлери жолго кум-шагыл сээп жатышат.
Ашууларда жол ачык, машине каттамы камсыздалган.
Министрлик айдоочуларга тоолуу аймактарда аба ырайынын өзгөрүшүнө байланыштуу жолдор тайгак болушун эскертип, сапарга чыгар алдында автоунаанын техникалык абалын текшерип, дөңгөлөктөрдү кышкыга алмаштырууну сунуштоодо. (ZKo)
Шерине