Белгилүү орус өнөрпозу, СССР эл артиси Людмила Гурченко 30-мартта 76 жашында жүрөгү токтоп, дүйнө салды. Людмила Марковнага атак 1950-жылдардын ортосунда Элдар Рязановдун “Карнавал түнү” деген көркөм тасмасына тартылгандан кийин келген. Актриса “Согушсуз он эки күн” ("Двенадцать дней без войны"), “Эки адам үчүн вокзал” ("Вокзал для двоих"), “Механик Гавриловдун сүйүктүү аялы” ("Любимая женщина механика Гаврилова"), “Сүйүү жана кептерлер” ("Любовь и голуби") жана башка тасмаларда тартылган. Людмила Гурченко 4-апрелде Москвада жайга берилет.
