Чет элдик кино тасмаларды которуу менен алектенген КТРКнын “Дөөлөт” студиясында болгону үч адис эмгектенет, ал эми Казакстандын бир эле телеканалында 70тен ашуун кызматкер атагы таш жарган Голливуд тасмаларын өз тилдерине которушат. Кыргызстанда кино которуунун негизги өксүгү каражаттын жоктугу. “Азаттык плюс” бул жолу дал ушул тасма которуу көйгөйүнө кайрылып, “Жеки Чан качан кыргызча сүйлөйт?” деген темада талкуу уюштурду.
