Линктер

ЧУКУЛ КАБАР!
22-Сентябрь, 2021 шаршемби, Бишкек убактысы 07:30

«Чек арасыз кабарчылар» Иран бийлигин журналисттерди бошотууга чакырды


"Азади" ("Азаттык") аянтындагы бийликчил жыйын маалында. Тегеран, Иран. 2021-жылдын 10-февралы.

Иранда Нооруз майрамы белгиленээр алдында «Чек арасыз кабарчылар» (RSF) укук коргоо уюму расмий Тегеранды абакта жаткан 21 журналистти бул майрамдын урматына бошотууга чакырды.

«Алардын жалгыз кылмышы - өз милдетин так аткарып, маалыматтарды жеткирип турганы болгон», - деп айтылат уюмдун билдирүүсүндө.

«Чек арасыз кабарчылар» уюму бийликтерди ирандыктардын эң башкы майрамы саналган ноорузду белгилөө күндөрү абактагы журналисттерди эркиндикке чыгарып, үй-бүлөлөрү менен майрамды чогуу тосуусуна шарт түзүүгө чакырды.

Иран абактагы журналисттердин саны боюнча дүйнөдөгү алдыңкы орунда турат. «Чек арасыз кабарчылар» уюму 2020-жыл үчүн жарыялаган сөз эркиндигинин көрсөткүчү боюнча Иран 180 өлкөнүн ичинен 173-орунду ээлеген.

Коронавирус пандемиясы өлкөдөгү журналисттердин турмуш шартын дагы кескин начарлатканы айтылып келет. Ирандагы цензура коронавирус илдетинен өлгөн жана жабыр тарткан кишилердин санын так көрсөтүүгө да маалымат каражаттарына мүмкүндүк бербейт.

XS
SM
MD
LG