Линктер

ЧУКУЛ КАБАР!
22-Сентябрь, 2021 шаршемби, Бишкек убактысы 23:05

Бирма: Хунта Су Чжиге жаңы айып такты


Хунтага каршы нааразылык жыйынынын катышуучулары Аун Сан Су Чжинин сүрөтүн көтөрүп алышкан. Янгон шаары, Бирма. 2021-жылдын 2-марты.

Бирмадагы аскердик төңкөрүш уюштурган хунта өлкөнүн жарандык лидери Аун Сан Су Чжиге жаңы айып такты. Бул ирет ал "мамлекеттик сыр боюнча мыйзамды бузган" деп күнөөлөнүүдө.

Ушуну менен саясатчыга бешинчи айып тагылып жатат. Ага ылайык, жарандык өкмөттү февралга чейин жетектеп келген Аун Сан Су Чжи 14 жылга чейин абакка кесилиши мүмкүн. Буга чейин ага өлкөгө мыйзамсыз түрдө рация алып кирген, колдонгон, өзгөчө абал режимин бузган жана пара алган деген кинелер коюлган.

"СNN" каналынын маалымдашынча, бирмалык аскерлер өткөн ишембиде аскердик төңкөрүшкө каршы чыккандарга абадан да сокку урган. Миңдеген кишилер Тайландга качууга аргасыз болгон.

Быйыл 1-февралда Бирмада аскерлер жарандык бийликти кулатып, Нобель сыйлыгынын ээси Аун Сан Су Чжи баш болгон жарандык жетекчилерди камакка алган. Өлкөдө аскердик хунтага каршы демонстрациялар токтобой, полиция жайкын тургундардын тынч нааразылык жыйындарына каршы ок ачып жатат. Соңку эсептер боюнча, нааразылыкка чыккан жүздөгөн кишилер хунтанын коопсуздук күчтөрү жүзөгө ашырган зомбулуктун айынан набыт болду.

Бирманын оппозициячыл күчтөрү гана эмес, дүйнө коомчулугу да аскердик хунтадан өлкөдөгү мыйзамдуу жарандык бийликти тез арада калыбына келтирүүнү, абакта жаткандарды дароо бошотууну талап кылууда.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG