"Азаттыкта" талкуу: "Мен Жейн Доу. Зомбулукка кабылганымды айтам"

«Мен Жейн Доу. Зомбулукка кабылганымды айтам». Ушундай аталыштагы флешмоб социалдык тармактарда тарап, ага кыргызстандыктар да кошулуп, башынан өткөн сексуалдык зомбулук тууралуу ачык айтып жатышат. Бул демилге Кыргызстанда жашы жете электерге карата сексуалдык зомбулук жасагандарга жазаны жеңилдетүү жана зордуктоо боюнча соттолгондорго пробация колдонуу мүмкүнчүлүгү талкууланып жаткан учурга туш келди. Эмне үчүн жабырлануучулар өз башынан өткөн окуяны айтуудан коркушат? Эмне үчүн коом айрым учурда зомбулук жасаган адамды эмес, жабырлануучунун өзүн күнөөлөйт? Ал эми мындай кылмыштар үчүн жазаны жеңилдетүү тууралуу сунуш коомго кандай белги берет? «Азаттык Talk» подкастында сексуалдык зомбулук, анын кесепеттери жана коомдун мамилеси тууралуу сүйлөштүк.