Америкалык Келли Мурдун үй-бүлөсү 4,5 жыл дегенде соттон утуп чыгып, 16 жаштагы Берметти асырап алууга уруксат алды. Сүрөт тартууга шыктуу өспүрүм буга чейин Беловодскийдеги балдардын психоневрологиялык социалдык стационардык мекемесинде жашачу. Келли Мурдун үй-бүлөсү Берметти өз бүлөсүнө алуу үчүн үч жолу сотко кайрылган. Акыры 8-декабрда Кыргызстандын Жогорку соту алардын өтүнүчүн канааттандырды.