Линктер

ЧУКУЛ КАБАР!
22-Май, 2022 жекшемби, Бишкек убактысы 17:58
Карамык айылы, Чоң-Алай.

Кыргыз-тажик чек арасындагы соңку кырдаал

  • Кыргызстандын Чек ара кызматынын билдиришинче, 4-июнда саат түнкү 3тө тажик аскерлери Унжу-Булакта тактала элек жерге контейнер орното баштаган жана Кыргызстандын аймагына 1000 метр ичкери кирип келген. Ошол жерде тажик аскерлери, автомашиналар жана жеңил брондолгон техника топтоло баштаганы байкалган.
  • Кыргыз тарап эки мамлекеттин чек арага чектеш райондорундагы кырдаалдын мындан ары күчөшүнө жол бербөө максатында тажик тараптан Унжу-Булак аймагында орнотулган контейнерлерди жана тартылган аскер күчтөрү менен аскерлештирилген техниканы алып кетүүсүн талап кылды.
  • Тажикстандын Улуттук коопсуздук комитетинин Чек ара кызматы кыргыз-тажик чек арасында түзүлгөн кырдаал тууралуу Кыргызстандын Улуттук коопсуздук комитетинин Чек ара кызматы тараткан маалыматка жооп берди. Анда тажик чек арачылары Кыргызстан менен Тажикстандын өкмөттөр аралык комиссиясы макулдашкан чек ара тилкелерин кайтарып жатканы айтылат.

  • Кыргыз-тажик чек арасындагы эки тараптын куралдуу жаңжалы 28-апрелде "Головной" суу сактагычына тажик тараптын камера орнотуу аракетинен башталып, 29-30-апрелде да ок атышуу токтогон эмес.
  • 29-апрелде Баткен районунун Кызыл-Бел, Достук, Көк-Таш, Үч-Дөбө, Көк-Терек жана Ак-Сай айылдары, Лейлек районунда Борбордук, Арка, Интернационал, Жаштык, Максат айылдары жабыркады. Борбордук айылындагы май куюучу 27 бекет толук өрттөлдү, дүкөндөр тонолгон.

  • 1-майда кечке жуук эки тараптын расмий органдары тынчтык келишимине жетишкен.
  • Кыргыз айылдарынан эвакуация болгондордун саны 58 миңден ашкан.
  • Расмий маалыматка ылайык, Баткен облусундагы кыргыз-тажик чек арасындагы кагылыштарда 180ден ашуун киши жараат алып, 36 адам каза тапкан.
  • Ал эми тажик өкмөтү 5-майда гана 10 жараны, 6-майда 19 жараны каза тапканын, 87 киши жараат алганын расмий билдирген.
  • Согд облусунун Бобожон Гафуров районундагы Сурх, Ворух, Чорку жана Овчи-Калъача айылдарында 14 турак жай толук бузулуп, эки үй, бир курулуш жарым-жартылай жабыркаганы аныкталганы кабарланды.15 миңге чукул жергиликтүү тургун коопсуз жайларга эвакуация болгону айтылган.
  • Кыргызстан 1-2-майда чек арада каза тапкандарга аза күткөн.
  • 5-6-майда Кыргызстандын жана Тажикстандын расмий бийлиги чек араны чечүүгө байланыштуу макулдашууну жарыялашкан.
23:49 5.6.2021

Чоң-Алайдагы кыргыз-тажик чек арасына жакын Карамык айылы

20:05 5.6.2021

Кыргызстандын Улуттук коопсуздук боюнча мамлекеттик комитетинин төрагасы Камчыбек Ташиев менен Тажикстандын Улуттук коопсуздук комитетинин төрагасы Саймумин Ятимов чек араны делимитациялоо жана демаркациялоо боюнча эки өлкөнүн мамлекеттик комиссиясынын жетекчилери катары 5-июнда биргелешкен билдирүү кабыл алышты.

Алардын билдирүүсүнүн тексти өкмөттүн сайтында жарыяланды.

“2021-жылдын 5-июнунда мамлекеттик чек аранын “Карамык” тилкесинин 12/9 чекитинде тараптардын Кыргыз Республикасы менен Тажикстан Республикасынын мамлекеттик чек арасынын делимитациялоо жана демаркациялоо боюнча комиссияларынын жумушчу жолугушуусу өттү. Тараптар аталган чекитте жаралган кырдаал тынчтык жолу менен чечилгенин кабарлашат”, - деп айтылат анда.

Ташиев менен Ятимов соңунда төмөнкүдөй мазмундагы протоколго кол коюшту.

- Чек ара постторун ар бир тарап өзүнүн аймагына карай 3 километрге жылдыруу;

- Аскерлерди, аскердик жабдууларды өздөрүнүн ар дайым жайгашкан жерине кайтаруу, чек ара топторунун штаттык бөлүмүн гана калтыруу;

- Ушул тилкедеги жайыттарды пайдалануу боюнча чечим кабыл алынды;

- Мамлекеттик чек арадагы бардык аракеттер эки тараптын төрагаларынын алдын ала макулдашуусу менен жасалышы керек;

- Тараптардын чек ара кызматкерлери жүрүм-турум линиясын сакташы керек;

- Массалык маалымдоо каражаттарына мурда кол коюлган протоколдордун алкагында, эки тараптан макулдашылган маалыматтарды гана берүү;

- Топографиялык жумушчу топтордун жетекчилерине Кыргыз Республикасы менен Тажикстан Республикасынын ортосундагы №12\2 чекитинен №12\9 чейинки аралыкты кыска мөөнөттө тактоону аяктоо тапшырмасы берилди;

- Тараптар чек ара аймактарындагы калкка түшүндүрүү иштерин жүргүзүү;

- Тараптар ушул протоколдун пункттарын катуу сактоону макулдашты;

Протоколго Камчыбек Ташиев менен Саймумин Ятимов кол койгон. Алар 5-июнда кыргыз-тажик чек арасынын нейтралдуу аймагында кездешти.

17:02 5.6.2021

Кыргызстандын Улуттук коопсуздук боюнча мамлекеттик комитетинин төрагасы Камчыбек Ташиев 5-июнда жергиликтүү тургундар менен жолугушуп жатып Бишкектен Чоң-Алайга учуп баратып кырсыкка кабылган экинчи тик учактын жагдайы тууралуу маалымат берди.

Ал борбордон эки тик учак менен чыгышканын, экинчиси тоолордун ортосунда катуу шамалга кабылып, көтөрүлө албай, авариялык конуу жасаганын маалымдады. Ташиев муну “кокустук” деп атады.

4-июнда Коргоо министрлигине караштуу "МИ-8 МТ" тик учагы Ош облусуна караштуу Ноокат районунда авариялык конуу жасаган. Тик учакта 15 адам болгон. Алардын үчөө ар кандай деңгээлде жараат алган. Жабыркагандар "Тез жардам" менен Ош облустук бириктирилген ооруканасына жөнөтүлгөн.

Коргоо министрлигинин маалымат кызматы бул факт боюнча кызматтык иликтөө башталганын маалымдаган.

13:17 5.6.2021

Кыргызстандын Коопсуздук кеңешинин катчылыгы азыркы учурда мамлекеттик чек аранын кыргыз-тажик тилкесиндеги абал салыштырмалуу туруктуу экенин билдирет. Органдын билдирмеси президенттин сайтында жазылды.

Маалыматта айтылгандай, Коопсуздук кеңешинин катчылыгы бул багытта тартылган күч органдарынын, жергиликтүү бийлик органдарынын ишин координациялап жатат.

“Чек арадагы кырдаал көзөмөлдө, тартылган мамлекеттик органдар абалды күнү-түнү байкап турат. Чек арадагы кырдаал боюнча жарандардан келип жаткан көптөгөн кайрылууларга байланыштуу, Коопсуздук кеңешинин катчылыгы учурда тынчсызданууга негиз жок экенин баса белгилейт. Түзүлгөн кырдаалды бир гана тынчтык жана сүйлөшүү жолу менен чечүү боюнча иш-аракеттер улантылууда”, - деп айтылат билдирмеде.

Президент Садыр Жапаров быйыл 8-майда кол койгон жарлыкка ылайык, Кыргызстандын Коопсуздук кеңешинин катчылыгынын жетекчилигине Марат Иманкулов дайындалган.

Мунун алдында Улуттук коопсуздук боюнча мамлекеттик комитеттин (УКМК) Чек ара кызматы 5-июнь таңкыга карата Чоң-Алай районунун Унжу-Булак аймагында абал салыштырмалуу туруктуу экенин маалымдаган.

Дагы жүктөңүз

Facebook шеринеси

XS
SM
MD
LG