Линктер

ЧУКУЛ КАБАР!
2-Июль, 2022 ишемби, Бишкек убактысы 16:52

Күлкү кербен: Мумия жана чекисттер


Перуда 4500 жыл мурда көмүлгөн мумиянын азыркы 3 өлчөмдүү сүрөтү. 11.10.2017

Сталин доорундагы археологдордун азилдеринен жаңыртылган вариант.

1930-жылдар. Сталиндик жазалоолор маалы. Археологдор Каракум чөлүндө изилдөө маалында кум дөбөдөн бир пирамиданы казып алышты. Анын ичине тешип киришип, буйткасынан бир мумияны да табышты. Бирок азыркы кээ бир маданият министрликтери каныйлагандай, чөлдө да радиокөмүртек, ДНК же башка усулду колдончу эч жабдуу жок болчу, ошондуктан бул пирамида кимдин урматына курулгандыгы эч белгисиз болуп, дал ушу көйгөй археологдорду кыйнап жатты.

Чукул кабарды угаар замат чөлгө жетип келген шыпылдаган чекисттер тобу пирамиданын ичине кирип кетип, кайра чыгышты да, археологдорго жарыя кылышты:

- Ой, жолдоштор! Бул, көрсө, Тутанхамонго чейинки фараондордун бириники турбайбы!

- Ал фараондор Египетте жашачу да? Кантип аныктадыңыздар? Илимий кайсы усулду колдондуңуздар?

- Э-э! Биздин жашыруун ыкмабыз бар. Аны колдонсок эле, мумиянын өзү баарын мойнуна алды! Ал түгүл ал “АКШ, Британия жана Жапониянын тыңчысымын, анан калса панисламист жана пантүркчү да болчумун” деп кол коюп берди. Мынакей, колу!..

Интернет булактарынан.

TT.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.
XS
SM
MD
LG