Линктер

ишемби, 21-июль, 2018 Бишкек убактысы 08:20

Казакстандын шаарларында полиция акцияга чыккан бир нече адамды кармап кетти.

“Азаттыктын” казак кызматы кабарлагандай, кармалгандар ураан чакырып же талаптарды койгон эмес. Учурда шаардын борборунда көп сандаган полициячы, анын ичинде атайын багыттагы аскерлер жүргөнү кабарланды.

Астанада калаанын акимиятынын алдында полиция кызматкерлери ондон ашык кызматкерди кармап кетти. “Азаттыктын” казак кызматынын бул шаардагы кабарчысы да кармалып, документи текшерилген соң кое берилди.

Буга чейин Казакстанда тыюу салынган “Казакстандын демократиялык тандоосу” уюму 23-июнда тарапкерлерин “акысыз билим алуу” деген талап менен митингге чыгууга үндөгөн. Уюмду учурда чет өлкөдө жашырынып жүргөн оппозициячыл саясатчы Мухтар Аблязов түзгөн.

Өткөн аптада Казакстандын прокуратурасы тыюу салынган акцияларга катышкандар административдик жоопкерчиликке тартыларын эскерткен.

Бүгүн Казакстандын батышындагы Орол шаарында “Азаттыктын” казак кызматынын кабарчысы Санат Урналиев жана жергиликтүү бир нече журналистти милиция кармап кеткени белгилүү болду.

Бүгүн бул шаарда “Азаттыктын” кабарчысынан башка “Уральская неделя” гезитинин редактору Лукпан Ахмедьяров баштаган үч кабарчы кармалганы белгилүү болду.

Батыш-Казакстан облусунун милициясы “Азаттыктын” кабарчысынын кармалганын ырастап, бирок себебин түшүндүрүүдөн баш тартты.

19-июнда Санат Урналиевди милицияга чакырып, экстремисттик түзүмдөр уюштурган акцияларга катышууга тыюу салуу боюнча эскертүүнү тапшыруу аракети болгон. Анда Урналиев эч кандай экстремисттик уюмга мүчө эместигин билдирип, документти алуудан баш тарткан.

Оролдо "Азаттыктын" кабарчысын полиция кармап кетти
please wait

No media source currently available

0:00 0:00:57 0:00

​"Азаттыктын" материалдарына пикир калтырууда төмөнкү эрежелерди так сактоону өтүнөбүз: адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлерди жазууга болбойт. Эрежени сактабай жазылган пикирлер жарыяланбайт.

Сиздин пикир

пикирлерди көрсөт

XS
SM
MD
LG