7-ноябрдан бери Ала-Арча капчыгайында изделип жаткан 14 жаштагы Амир Кунакуновдун сөөгү 9-ноябрда табылды. Ал жалгыз тоодо адашып калганы тууралуу Өзгөчө кырдаалдар министрлигине кабар берген. Андан бери кабарсыз болуп жаткан өспүрүмдүн сөөгү Электро чокусунда табылды.
27-январга белгиленген президенттик шайлоого талапкерди каттоонун мөөнөтү аякташына аз калды. Ал арада Адахан Мадумаров Исхак Масалиевди колдой турганын кыйытты. Ал эми өздөрүн оппозиция деп атаган "кемпирабадчылар" кыймыл түзүп, демократияны калыбына келтирүү үчүн биригүүгө чакырууда.
Түркиянын Стамбул шаарында 35 жаштагы кыргызстандык аял бычак жеп каза тапты. Окуя 5-ноябрда шаардын Аксарай районунда болгон. Кылмышка шектүү катары 1994-жылы туулган кыргызстандык кыз кармалган. Маркумдун жакындары анын өлүмүнүн себебин толук жана ар тараптуу иликтөөнү суранууда.
Кыргызстандагы эң ири үч көл: Ысык-Көл, Соң-Көл жана Чатыр-Көлдүн экосистемасы соңку жылдары болуп көрбөгөндөй өзгөрдү. Климаттын өзгөрүшү, кургакчылык, мөңгүлөрдүн азайышынан улам көлдөргө куйган ондогон өзөн соолуп калды. Мунун айынан жээктери 10-20 метрге чейин тартылып кеткен.
Франция жана Сербиядан Бангладеш менен Индияга чейин жаштар барган сайын таасирдүү саясий күчкө айланып бараткандай. Калкы улам жашарып бараткан Борбор Азия мамлекеттери жаңы муунду жумуш менен камсыздап, ой-мүдөөлөрүн орундатууга даярбы?
Бишкекте кыйылып жаткан дарак басып каза болгон Кылыч Айдаровдун жакындары “Бишкек жашыл курулуш” муниципалдык ишканасынан кенемтени толук төлөп берүүнү талап кылууда. Окуя быйыл 22-сентябрда Манас 61 дарегинде болгон.
Орусияда адамдарды Украинадагы согушка тартуу иши барган сайын жеке компаниялар жана ортомчулар аркылуу жүрүүдө. Мындай жол менен жалдангандар көбүнчө мыйзамдык көзөмөлү бүдөмүк шарттарга тушугуп, анын кесепети оор болуп жатат.
3-ноябрь күнү Манас шаарында Элистан Токтогуловдун жакындары чогулуп, бийликке кайрылды. Алар 21 жаштагы Элистан эки апта мурда Кыргызстандан ортомчуларга алданып, азыр эми Орусияда согушка жиберилип жатканын айтышты.
Президент Жапаров “Газпром Кыргызстан” компаниясы өзүнө алган милдеттерин аткарбаса, өкмөт аны Кумтөр кениндей кылып мамлекетке алып коёрун эскерткенин билдирди. "Кыргызгаздын" Орусиянын компаниясын өткөнүнө 12 жыл болду. Ортодогу келишим канчалык аткарылды?
Улам бир өлкө Арбитраждык соттун Орусиянын курамасына хоккей боюнча эл аралык мелдештерге катышууга уруксат берген чечимине каршы болуп, алар менен беттешүүлөрдү бойкоттой турганын билдирип жатат. Украина жүздөгөн спортчусу согушта каза болгонун айтып, соттун чечимине нааразылыгын билдирди.
Президенттик шайлоого талапкерлигин каттатууга камынган, оппозициялык маанайдагы саясатчы Сыймык Жапыкеев кымбатчылык көйгөйүн көтөрүп, көпчүлүктүн көңүлүн буруунун аракетинде.
Дагы жүктөңүз
