Мурдагы президент Алмазбек Атамбаевге Кой-Таштагы окуялар боюнча адам өлтүрүү баштаган бир нече айып тагылды. Ал эми мурдагы президенттин жакындары соңку кырдаалды бийликтин чагымы деп баалады. Ал ортодо Кой-Таштагы абал боюнча бир нече адам суракка чакырылууда. Кыргызстандагы окуялар мындан ары кандай өнүгөт жана кандай тобокелчиликтер бар? Бул суроону “Эксперттер талдайт” берүүсүндө талкуулайбыз. Талкууга Жогорку Кеңештин депутаты Рыскелди Момбеков, “Алфа-Антитреррор” уюмунун төрагасы, коопсуздук кызматкери Артур Медетбеков, коомдук ишмер Ишенбай Кадырбеков жана эксперт Руслан Акматбеков катышты. Талкууну Бакыт Асанов алып барды.