Орусиялык Биринчи каналдын Кыргызстанга байланыштуу кезектеги жасалма сюжетин жергиликтүү тургундар кызуу талкуулоодо. Журналисттер телеберүүдө 16 жыл мурда жоголгон орус жаранын кыргыз фермер кулчулукта кармап жүргөн деп ишендирип, анын адам чыдагыс шартта жашап жатканын көрсөтүүгө аракеттенишкен. Орус жараны жашап жүргөн фермердин үй-бүлөсү телеберүү кандай өңүттө даярдалып жатканынан кабары жок эле орус журналисттеринин суроолоруна жооп берип, ойдо жок жерден детективдин каармандарына айланып калышкан. Кабарчыбыз Жибек Бегалиева окуяны жерине барып иликтеп көргөн.