Мекен сакчыларынын күнүндө Кыргызстандын жер-жерлеринде салтанаттуу иш-чаралар өттү.
Кечээ президент Алмазбек Атамбаев куралдуу күчтөрдүн өкүлдөрүн, ардагерлерди куттуктоо менен бирге Мекендин кызыкчылыгын ойлоого мезгил жеткенин белгиледи. Ошол эле учурда патриот болууга өлкө шарт түзүп бербегени көп айтылып келатат.
Бул күнү "Азаттыктын" кабарчысы ИИМдин ички аскерлигинин Бишкектеги 702-аскер бөлүгүндө болду. Ал жерде ар кандай иш-чаралар кечээ бүтүп, бүгүн майрамдык тамак берилип жатканда барды.
Макаланын аудио варианты бул жерде:
Ашканадан чыгып, күзөттө турган 19 жаштагы Жакшылык:
- Маанайыңар кандай?
- Жакшы.
- Келгениңизге канча болду?
- 9 ай, дагы 2 ай калды.
- Аскерден кийин эмне кылайын деп жатасыз?
- Окусам деп жатам, тилчи болгум келет. Англис, араб тилдерин жакшы көрөм.
Сүрөт баян
Мекен, майрам, милдет
Мекенди коргоочулардын күнүндө "Азаттыктын" кабарчысы Ички иштер министрлигинин ички аскерлигине караштуу Бишкектеги 702-аскер бөлүгүндө болду. (Азиза Култаева)
