Кыргыз спортчулары: ким качан, ким менен?..

Арсен Эралиев, грек-рим күрөшү, 55 кг. салмакта. Алгачкы таймашта ирандык Хамид Мухаммад Рейханпур Суряндан утулуп калды.

Данияр Көбөнов, грек-рим күрөшү, 74 кг. салмакта. Алгачкы атаандашы армениялык балбан Арсен Жулфалакяндан утулду.

5-август, Юлия Андреева-Архипова, марафон. 42 км жарыш Бишкек убактысы боюнча саат 16да башталат. 108 атлет катышкан марафондо Юлия Андреева-Архипова маарага 60-болуп келди.



3-август, Юрий Краковецкий, дзюдо, 100 кг. өйдө салмакта. Румын спортчусу Владом Симонескудан жеңилип, мелдештен четтеди.





1-август, Дарья Таланова, сууда сүзүү. 200 метр аралыкты 2 мүнөт 38,01 секундда сүзүп өткөн Дарья марага акыркы жетип, мелдештен чыкты.

1-август, Чингиз Мамедов, дзюдо, 90 кг салмакта. Мамедов алгачкы беттеште жапон дзюдоисти Масаши Нияшиямага уттуруп койду. Кармаш өтө кыска болуп, Чингиз Мамедов оюндан жыдыды.



31-июлда кыргызстандык суучул Дмитрий Александров 200 метр аралыкка сүзүү боюнча алгачкы тандап алуу туруна катышып, негизги мелдешке чыкпай калды.

30-июль, Руслан Исмаилов, таамай атуу. 10 метр аралыкта үч абалда ок атууда (жатып, туруп, тизелеп) иргеп алуу мелдешинде финалга өтпөй калды. Эми 50 метр аралыктан туруп таамай атууга катышат.

30-июль, Илья Игнатьев, парус спорту. Игнатьев 49 спортчу катышкан “лазер” классындагы жарыштарда марага эң акыркы болуп келди. Жел кайыктардын жарышы Англиянын түштүк жээги –Дорсеттеги Weymouth and Portland спорт комплексинде өтөт.



29-июль, Бекзат Осмоналиев, оор атлетика. 56 килограммга чейинки категорияда эркектер арасындагы оор атлетика боюнча алдын ала иргеп алуу сынагынан өтпөй калды. Осмоналиев “А” тобундагы мыктылар менен таймашуу үчүн сыноодо 127 кг. оордукту жулкуп көтөрүп, бирок түртүп көтөрүүдө 145 кг. көтөрө албай калды. Негизги таймашка кирбей калды.