Тоноо Москва – Домодедово жолунун 35-чакырымында болгон. Домодедово шаарынын ички иштер башкармалыгынын маалымат катчысы “Азаттыкка” окуя кандай болгонун айтып берди:
- Мамлекеттик автоинспекциясынын формасын кийген адамдар “Фольксваген” жана “Тойота” үлгүсүндөгү эки автоунааны токтотушкан. “Тойотада” акчасын уурдатып жиберген Кыргызстандын жараны отурган, “Фольксвагенде” болсо сакчы агенттигинин 2 кызматкери аны коштоп жүргөн. Автоунаалар токтогондон соң, бир кичи автобус келип, андан 8 беткапчан адам чыккан. Алардын колунда “Калашников” автоматы жана 2 тапанча бар экен. Алар акчанын ээсин сабашып, 5 миллион доллар жана 12 миллион рублди алып качып кетишкен.
Акчасын уурадаткандар тоноочулардын артынан кууп жөнөгөндө, алар “Тойотаны” аткылашкан.
Кийинчерээк тоногучтардын күйгүзүлгөн автоунаасы жана “Калашников” автоматы Домодедово шаарынын мүрзөсүнүн жанында табылган.
“Азатыкка” белгилүү болгондой, ири суммадагы акча кыргызстандык жаранга тиешелүү болгон. Укук коргоо органдарына арыз менен да кыргызстандык жаран кайрылган. Азыр кылмыш иши козголуп, тоноочулар изделүүдө.
Акчасын уурдаткан адамдын аты-жөнү азырынча белгисиз. Болгону ал Кыргызстандын жараны экени гана айтылууда. Бирок тактала элек маалыматтарга караганда, жабырлануучунун фамилиясы Омаров. Ал Тамбов облусунда жашап, Москвада убактылуу каттоодо турган.
- Мамлекеттик автоинспекциясынын формасын кийген адамдар “Фольксваген” жана “Тойота” үлгүсүндөгү эки автоунааны токтотушкан. “Тойотада” акчасын уурдатып жиберген Кыргызстандын жараны отурган, “Фольксвагенде” болсо сакчы агенттигинин 2 кызматкери аны коштоп жүргөн. Автоунаалар токтогондон соң, бир кичи автобус келип, андан 8 беткапчан адам чыккан. Алардын колунда “Калашников” автоматы жана 2 тапанча бар экен. Алар акчанын ээсин сабашып, 5 миллион доллар жана 12 миллион рублди алып качып кетишкен.
Акчасын уурадаткандар тоноочулардын артынан кууп жөнөгөндө, алар “Тойотаны” аткылашкан.
Кийинчерээк тоногучтардын күйгүзүлгөн автоунаасы жана “Калашников” автоматы Домодедово шаарынын мүрзөсүнүн жанында табылган.
“Азатыкка” белгилүү болгондой, ири суммадагы акча кыргызстандык жаранга тиешелүү болгон. Укук коргоо органдарына арыз менен да кыргызстандык жаран кайрылган. Азыр кылмыш иши козголуп, тоноочулар изделүүдө.
Акчасын уурдаткан адамдын аты-жөнү азырынча белгисиз. Болгону ал Кыргызстандын жараны экени гана айтылууда. Бирок тактала элек маалыматтарга караганда, жабырлануучунун фамилиясы Омаров. Ал Тамбов облусунда жашап, Москвада убактылуу каттоодо турган.
