Линктер

ЧУКУЛ КАБАР!
30-Ноябрь, 2021 шейшемби, Бишкек убактысы 18:52

Москва: Балдар асыроого берилбесин!


Москвада кремлчил активисттер балдарды чет өлкөлөргө асыроого бербөөнү талап кылып, жүрүш өткөрүшүүдө.

Полициянын маалыматына ылайык, акцияга 12 миңдей киши катышууда.

Кечээ кечинде АКШ бийлиги Техас штатындагы үй-бүлөгө асыроого берилген 3 жаштагы Макс Шатто же Максим Кузминдин өлүмүнө кырсык себеп болгон деген америкалык соттук-медициналык экспертизанын тыянагы чыккан.

Орус энелери кыймылынын координатору Ирина Бергсет алар ошол эле үй-бүлө багып алган Максимдин энелеш бир тууганы Кристофердин мекенине кайтарылышын талап кылышарын айтты.

Орус бийликтери Максимдин өгөй энеси ага психотроптук дары-дармек берчү жана баланы өлтүрүп койгон деп айыпташууда.

Тышкы иштер министрлигинин Адам укуктары, демократия жана мыйзам үстөмдүгү боюнча комиссары Константин Долгов 21-январда каза тапкан 3 жаштагы баланын аутопсиясы толук жүргүзүлгөн эмес деген күмөн саноосун ортого салды. Ал АКШдан бардык тиешелүү документтерди тапшырууну талап кылды.

Кечээ аутопсия жүргүзгөн техастык 4 доктур анын өлүмүнө кырсык алып келген деген тыянакка келишкен. Адистердин ырастоосунда, Максимдин ичеги карынындагы артерия үзүлүп кеткен.

"Аутопсиянын жыйынтыгын алдык. Аны өткөргөн доктурлардын текшерүүсүнө жана консултация үчүн кайрылган башка адистердин маалыматтарына таянып, Макс Шаттонун өлүмү кырсык болгон деген тыянакка келдик", - деди аймактык прокурор Бобби Бланд.

Өткөн жылдын этегинде Орусияда балдарды АКШга асыроого берүүгө тыюу салган мыйзам кабыл алынган.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG