27-майда ала качуунун курмандыгына айланган Бурулай Турдаалы кызынын көз жумганына бир жыл толду. Бул окуя улуттук трагедияга айланып, кылмыш жасаган жана ага тиешеси бар бир нече жооптуу кызматкер жазага тартылганы, мыйзам катаалдашканы менен кайра эле үрөй учурган киши уурдоо фактылары катталууда. "Эмне үчүн Кыргызстанда кыз ала качуу токтобойт?" деген суроону бул жолку “Эже-сиңдилер” берүүсүндө талкууладык.