"Таштанды аң-сезим агарганда тазаланат"

Бишкектин түндүк тарабындагы таштанды төгүлүүчү жай - Кыргызстандагы эң чоң полигон. Бул жайда таштанды өзүнөн-өзү түтөп, өрттөнүп турат. Андан чыккан түтүн Чүй облусунун бир нече айылдарын жана Бишкек шаарынын ылдыйкы райондорун каптайт. Борбордук Флорида университетинин профессору, доктор Дебра Рейнхарт Кыргызстанга АКШ элчилигинин колдоосу менен чакырылган. Ал таштандыларды жок кылууну оптималдаштыруу, катуу калдыктар менен иштөө боюнча адис. Ушул багыттагы изилдөөлөрү үчүн көптөгөн жергиликтүү жана улуттук сыйлыктарды алган. Доктор Рейнхарт сексенден ашуун илимий изилдөөнүн автору.