Бишкектеги “Ынтымак 2” паркындагы амфитеатр шаардыктардын маданий борборуна айланууда. Ал жерде эс алуучулар күнүгө кечинде ырдап-бийлеп, өнөрлөрүн тартуулап жатышат.
Балыкчыда 1950-жылдары курулган эт комбинатынын тегерегиндеги 4 гектардан ашык жер талашка түштү. Комбинаттын ээси Султан Урманаевдин аны алуу аракетин көрүп келет. Ал эми талашка түшкөн жердеги барак үйлөрдүн жашоочулары буга макул эмес.
Соңку үч жылдан бери Нарын менен Ысык-Көл облусунда эндик чөбүнүн тамырын казып, мүшөктөп ташып жаткандар көбөйүүдө. Тоолуктар тамырдан пайда издегендерге нааразы болуп, жайытты талкалап жатышканын айтышат. Экологдор бул чөптү казууга тыюу салуу үчүн Илимдер академиясына кат жолдогон.
Украинанын Северодонецк шаарында дээрлик эки айдан бери Орусиянын күчтөрүнө багынбай келаткан Украинанын аскерлери чегинүүгө аргасыз болду. Оштун Кара-Суу районунда көмүр ташып келаткан “HOWO” оор жүк автоунаасы жолдон чыгып кетип, алты кишини басып калды.
Кербен шаарынын айрым көчөлөрүндө таза суу айлап чыкпай, эл кыйналып жаткан чак. Күндө чака көтөрүп, айыл аралап суу издеген тургундар тиешелүү кызматтарга кайрылып, көйгөйдү чечип берүүнү суранган. Бирок жыйынтык чыга элек. Бийлик шаардын 60 пайызын таза суу менен камсыздаганын билдирүүдө.
Орусиянын күчтөрү соңку бир күн ичинде Луганскидеги Северодонецк жана Лисичанск шаарларын байма-бай бомбалады. Улуттук коопсуздук комитеттин төрагасы Камчыбек Ташиев убактылуу болсо да кызматтан кетпей турганын айтты.
Орусия Украинанын Северодонецк шаарына толук көзөмөлүн орнотуу үчүн аба чабуулдарын улантууда. Сегиз күндүн ичинде Улуттук коопсуздук комитеттин тергөө абагында жаткан бир адам ооруканада, экинчиси абактын өзүндө каза болду.
Манас районунда дыйкандар айдаган арпаны кара көө каптап жатат. Алар арпанын үрөнүн өкмөттөн насыяга алган. Чыгымга дуушар болгон тургундар насыяны төлөө үчүн өкмөттөн жеңилдик сурап жатышат. Адистер арпанын оорусу урук менен келген болушу мүмкүн дейт.
Германиянын мурдагы канцлери Ангела Меркел Орусиянын Украинага кол салганын айыптады. Кыргыздардын салттуу бийи өпкөнүн өнөкөт оорусун жеңилдетүүгө жардам береби?
Дагы жүктөңүз
