Улуттук коопсуздук боюнча мамлекеттик комитетке караштуу Чек ара кызматы бүгүн, 8-майда Казакстан менен Кыргызстандын чек арасындагы "Ак-Жол" өткөрмө бекети кайрадан штаттык режимде иштей баштаганын кабарлады.
Бүгүн түшкү саат 14:50дө тышкы миграцияны каттоонун бирдиктүү системасы иштебей калып, чек ара өткөрмө бекетинде жүргүнчүлөр менен автоунаалардын узун кезеги келип чыккан.
Кечки саат алтыга жакын система кайрадан оңдолгон. Чек ара кызматы учурда бекетте узун кезек жок экенин кошумчалады.
"Ак-Жол" өткөрмө бекети Чүй облусунда жайгашкан. Бишкектен Алматыга каттаган жүргүнчү жана машинелердин башкы өткөрмө пункту болуп саналат. (BCh)
Дагы караңыз
Орусиянын Красноярск аймагында 500дөй турак жай өрттөн жабыркады"Атадан калган туяк" куурчак театрындаКечки Азаттык (1-чыгарылыш) Тажикстан Ооганстан тараптан атылган ок тууралуу маалымат берди "Ленинград блокадачылары" коомунун төрайымы Кутанова дүйнөдөн кайтты