Өспүрүм кыздарды илимге тартып, алдыңкы технологияларга кызыктырууну максат кылган долбоордун экинчи баскычы эки жылга созулуп, Ош, Жалал-Абад, Баткен, Нарын жана Чүй облустарында тандалып алынган 50 пилоттук мектеп менен ишке ашырыла баштайт. Бул тууралуу бүгүн 12-майда Бишкекте "Илимдеги кыздар" долбооруна арналып өткөн жыйында айтылды.
Аталган долбоордун алкагында илим, технология жана креативдүү тармактарда ийгилик жарата алган белгилүү айымдар 7-11-класстын окуучуларына менторлук кылышат.
Программанын 2020-2022-жылдарга созулган биринчи баскычында Чүй жана Ош облусундагы 81 мектептен тандалып алынган 2600 кыз ментор айымдар менен иштешти. Дагы 444 кыз долбоордун каржылоосу менен жалпы республикалык тестирлөөгө үч ай даярдык көрдү.
Долбоорду ЮНИСЕФ уюму “Роза Отунбаеванын демилгеси” эл аралык коомдук фонду менен биргеликте ишке ашырууда. (NbA)
Дагы караңыз
АКШ түштүк чек арасын мыйзамсыз миграциядан коргоону күчөттү Байсалов өлүм жазасын киргизүүгө өкмөт каршы турарын билдирди ИИМ: эки айда мас абалында машина айдагандар дээрлик 50% азайды АКШ Түштүк Африка республикасын Орусияга курал жөнөтүүгө айыптады