29-октябрда Чүй облусунун Сокулук районуна караштуу Кожомкул айылындагы Горький көчөсүндө жайгашкан мектептен өрт чыкты.
Өзгөчө кырдаалдар министрлиги (ӨКМ) кабарлагандай билим берүү мекемесинен чыккан өрт саат 12:09да чектөөгө алынып, саат 12:36да толук өчүрүлгөн. Тилсиз жоодон жабыркагандар жок.
Өрттү өчүрүүгө жалпы төрт өрт өчүрүү бөлүмү тартылган.
Агартуу министрлиги өрт мектептин экинчи кабатынын 27 кабинетинен саат 11:20да чыкканын, билим берүү мекемесинин администрациясы 1200 окуучуну эвакуациялап, колдогу өрт өчүрүүчү шаймандар менен тилсиз жоону өчүрүүгө аракет кылганын билдирди. Мектеп 30-октябрда онлайн окууга өткөрүлдү. (BTo)