"Азаттыктын" Прагадагы кеңсесинин кызматкери. Кыргыз улуттук университетинин чет тилдер факультетин аяктаган.
Арменияда парламенттик шайлоо аяктап, добуштар саналууда. 7-июндагы шайлоонун жыйынтыгы менен жаңы өкмөт түзүлүшү керек. Азыркы премьер Пашинян бийликте үчүнчү ирет калууга умтулууда. ЕАЭБ, ЖККУ, КМШга мүчө Ереван Батышка жакындашууну көздөп, Москванын катуу кысымына кабылды.
7-июнда Арменияда парламенттик шайлоо болот. Бул жолку өнөктүккө өзгөчө көңүл бурулууда. Евразия экономикалык биримдиги (ЕАЭБ), Жамааттык коопсуздук келишим уюму (ЖККУ) жана КМШга мүчө болгон Ереван Еврошаркет менен жакындашуу жолуна түшкөнү Москванын кысымы күчөдү.
4-июнда Бээжиндеги Тяньаньмен аянтында студенттердин демократиячыл акциялары күч менен басылганына 37 жыл болду. Кытай бийлиги коммунисттик партияны төңкөрүү аракети деп сыпаттаган ал окуяны эскерүүгө тыюу салган. 1989-жылдын 4-июнунда канча киши каза тапканы да так айтылбайт.
ЖЖылдар бою Орусиянын орбитасында айланган Армения Еврошаркетке ыктаган сайын орусиялык бир катар саясатчылар армян жетекчилигин ачыктан ачык сындаган билдирүүлөрдү жасап жатышат. Армениянын бир катар продукциясына тыюу салынды. Ереван менен Москванын бул жолку тирешинин себеби эмнеде?
Израилдин улуттук коопсуздук министри Итамар Бен-Гвирдин жоругу бир катар өлкөлөрдө сынга кабылды. Ашынган оңчулдар партиясынын лидери Газага бараткан гуманитардык флотилиядагы активисттерди кемсинткен видеосунан улам бир нече мамлекет Израилдин элчилерин чакырып, нааразылыгын билдиришти.
20-майда Бээжинде Кытай жана Орусия президенттери бир катар келишимдерге кол койду. Си Цзиньпин менен Владимир Путин "Батыш үстөмдүк кылган" глобалдык түзүлүшкө каршы биргелешип туруштук бергенин көрсөтүүгө умтулат.
Ливан качан жана кандайча Жакынкы Чыгыштагы согушта экинчи фронтко айланды? 17-апрелде жарыяланган убактылуу элдешүүгө карабай Израил менен “Хезболланын" Ливандагы кармашы уланууда. 1948-жылдан бери расмий түрдө согуш абалындагы Израил менен Ливандын сүйлөшүүлөрүнөн майнап чыгабы?
Орус бийлиги бардык мамлекеттерди Киевден өз дипломаттарын чыгарып кетүүгө чакырды. Мындай чакырыкты эгер украин армиясы 9-майда Москвага сокку урса, сөзсүз жооп кайтарылат деп түшүндүрдү.
Израил менен Ливандын элчилери 23-апрелде Вашингтондо экинчи сүйлөшүүнү өткөргөнү жатат. 17-апрелде ок атышуу 10 күнгө токтойт деп макулдашылганы менен изарилдин армиясы – ЦАХАЛ эки айылды аткылаганы маалым болгон.
Ливан Израилдин жапырт бомбалоосунан бир күндө бери дегенде 254 киши өлгөнүн, 1000ден ашууну жарадар болгонун маалымдады. Израил 10 мүнөт ичинде «Хезболла» тобунун 100дөн ашуун командалык пунктуна сокку урганын билдирген. БУУ “жүздөгөн жайкын киши каза тапкан жана жарадар болгон” чабуулду айыптады.
23-мартта АКШ менен Ирандын ортосундагы ыктымал сүйлөшүүлөр тууралуу карама-каршы кабарлар түшкөнү мунай менен газдын дүйнөлүк рыноктогу баасы бир туруп кескин төмөндөп, бир туруп кайра кымбаттап жатты.
Орусияда акыркы күндөрдө интернет байланыш катуу чектелип жатат. Өзгөчө борбор калаа Москва жана башка ири шаарлардын тургундары Telegram мессенжерин, банк карталарын, такси, тамакка буюртма берүү өңдүү популярдуу тейлөө тиркемелерин пайдалана албай калды.
Эмне себептен АКШ менен Иран ондогон жылдардан бери касташып келатат? Эксперттер куралдуу жаңжалдын жайылып кетүү коркунучун эскертүүдө. Согуштун экономикалык кесепеттери, качкындардын агымы өңдүү көйгөйлөр дүйнөгө, Борбор Азияга кандай таасир этиши мүмкүн?
Пакистан Ооганстандын шаарларына сокку урду. Исламабад кошуна өлкөнүн талибдер бийлиги менен "ачык согушка" өткөнүн жарыялады. Эки өлкөнүн чек арасындагы кырдаал бир нече айдан бери чыңалып, улам бир тилкесинде кармаш жүрүп жаткан. БУУ соңку окуяларга тынчсыздануусун билдирип, сүйлөшүүгө чакырды.
Бейшембиге караган түнү украин аймагы кайрадан аткылоого туш болду. Жергиликтүү бийликтер ондогон киши жабыркаганын билдирди. Киев соңку жумаларда жарандык жайларга соккуларды күчөткөнү үчүн Москваны айыптап келатат.
АКШнын президенти Дональд Трамп 24-февралдын кечинде (Кыргызстанда 25-февраль) Конгресске кайрылуу жасады. Өз рекордун жаңыртып, дээрлик бир саат 50 мүнөт сүйлөгөн Трамп ички көйгөйлөргө токтолду жана Иран, Украина, глобалдык коопсуздук маселелерине токтолду.
Дем алышта Мүнхен коопсуздук конференциясы жыйынтыкталды. 62-жолу уюштурулган форум дүйнөнүн ар кайсы жеринде чыңалуу күчөп турган учурда өттү. Миңден көп киши катышкан жыйында трансатлантикалык мамилелер, анын контекстинде Украинадагы согушту жөнгө салуу, коопсуздук маселелери талкууланды.
АКШ менен Иран ортосунда аскердик тирештин алдын алуу үчүн дипломатиялык аракеттер уланууда. Ошол эле маалда Перс булуңуна америкалык согуш кемелери менен аскерлер топтолуп жатат.
Харьковдо орус армиясынын аткылоосунан үч наристе атасы менен кошо набыт болду. Кош бойлуу аялы ооруканага жеткирилди. Энергетиктер он миңдеген калкка электр жарыгы жана жылуулук берүү үчүн күнү-түнү иштеп жатат. Киевдин мэри Виталий Кличко миңден ашуун көп кабат үй жылуулуксуз калганын билдирди.
Израил Иордан дарыясынын батыш жээгиндеги оккупацияланган жерлерге конуштарды кеңейтүү чечимин жактырды. БУУ жана региондогу бир катар өлкөлөр бул кадам Жакынкы Чыгыштагы жаңжалды эки мамлекет принцибине таянып жөнгө салуу преспективасына балта чабарын эскертишти.
Дагы жүктөңүз
