"Азаттыктын" ТВ продюсери. "Бир дүйнө" даректүү тасмалар фестивалынынын жеңүүчүсү (2013). Кыргыз-Түрк “Манас” университетинин коммуникация факультетин аяктаган (2006).
АКШ менен Ирандын ортосунда кырдаал кайрадан курчуду. Вашингтон Ирандын беш мунай танкерин бутага алганын билдирди. Тегеран буга жооп катары Иорданиядагы америкалык базага ракета менен сокку уруп, Ормуз кысыгынан өтүүгө аракет кылган он кемеге чабуул койгонун жарыялады.
Берлинде миңдеген киши ашкере оңчулдардын саясатта активдүү күчкө айлануусуна каршы акцияга чыкты. Анын алдында Саксония-Анхальт аймагындагы парламенттик шайлоодо “Германия үчүн альтернатива” партиясы добуштардын 44% алып, жеңишке жетти. Бул партия миграцияны токтотууну убада кылып келген.
Орусиянын аба мейкиндиги жарандык авиация үчүн кооптуу болуп калганы тууралуу украин бийлигинин билдирүүсүнөн кийин чет өлкөлүк жана орусиялык компаниялар Москвага жана Москвадан уча турган ондогон каттамын токтотту.
Президент Садыр Жапаров Москвага күтүүсүз сапар менен барып, Орусиянын президенти Владимир Путин менен жолукту. Орус армиясынын чабуулунан Одесса шаарында жетимиш жаштан ашкан жубайлардын өмүрү кыйылды. Бишкектеги Таштан Эрматов атындагы музыкалык-педагогикалык институтунда нааразылык чыкты.
Жогорку Кеңештин депутаты Курманкул Зулушев мандатын тапшырды. Башка бир депутат Шаирбек Ташиев Ички иштер министрлигине сурак берип жатканы кабарланды. Укук коргоочу Төлөкан Исмаилова менен эколог-активист Бермет Бөрүбаева милицияга сурак берип чыгышты. Жакынкы Чыгышта кырдаал курч бойдон калууда.
Тегеран соңку бир жумадан берки эң ири аба чабуулуна туш болду. АКШ президенти Трамп Ирандын жаңы лидерин шайлоого катышууну каалай турганын айтты. Абактан тик учак менен чыккан Даниел Ажиев кайра кармалды. Кыргызстанда июлдан тартып үч жашка чейинки балдарга ай сайын 1200 сомдон жөлөк пул берилет.
Сириянын мурдагы кооптуу аймактарынан мекенине кайтып келгендер тынч турмушка канчалык аралашып кетет? Аларды кабыл алуу жараянында кандай тоскоолдуктар бар жана бул маселе кантип чечилүүдө?
Кыргызстанда Жогорку Кеңешке депутаттарды шайлоо өтүүдө. Өлкө боюнча 2492, андан тышкары аралыктан добуш берүү үчүн 27 шайлоо участкасы иштеп жатат. Ошондой эле чет жактарда 100 добушкана ачылды.
БУУнун башкы катчысынын Ооганстан боюнча өкүлү жана Ооганстанга көмөк көрсөтүү миссиясынын башчысы кызматын тапшырып келген экс-президент Роза Отунбаева “Азаттыкка” эксклюзивдүү маек курду. Отунбаева Ооганстандагы кырдаал, аялдардын абалы жана коопсуздук тууралуу айтып берди.
БШК мөөнөтүнөн мурда өтчү парламенттик шайлоо алдында 30 округдун чегин аныктады. Анда айрым райондор биригип, бул бөлүштүрүүгө нааразы болгондор да чыкты. Ошондой эле бул парламенттик аралыктан добуш берүү ыкмасы кирет. БШКнын төрагасы Тынчтык Шайназаров "Азаттыктын" суроолоруна жооп берди.
АКШнын президенти Дональд Трамп Европанын колдоосу менен Украина басып алынган аймагын өзүнө толук кайтарып аларын билдирди. Президент Садыр Жапаров Бириккен Улуттар Уюмунун (БУУ) Башкы ассемблеясында Украинадагы согуш, Жакынкы Чыгыштагы кырдаал боюнча сүйлөп, согушту токтотууга чакырды.
Бириккен Улуттар Уюмунун баш кеңсесинде палестин мамлекетин түзүү маселеси талкууланды. Парламенттин тармактык комитети Жогорку Кеңешти таркатып, мөөнөтүнөн мурда шайлоо өткөрүү демилгесин колдоду. Кара-Жыгач айылында курулушта каза болгон үч адамдын өлүмү боюнча шектүүлөр кармалды.
АКШ Украинага курал-жарактын айрым түрлөрүн берүүнү токтоткону айтылууда. Президент Садыр Жапаров Москвага иш сапары менен барды. УКМК буга чейин кыргыз-тажик чек арасындагы куралдуу кагылышта "гранаталарды алып, сатып жиберген" деген шек менен уюшкан кылмыштуу топ кармалганын билдирди.
Орусия Украинанын аймактарына акыркы түнү 100дөн ашык дрон учурду. Прокурор журналист Канышай Мамыркулованы сегиз жарым жылга абакка кесүүнү сурады. Ысык-Ата районундагы Такыр-Төр тоолуу көлү жырылып, 900дөн ашык адам коопсуз жайга көчүрүлгөн.
Орус армиясынын Днепр шаарына соккусунан 18 киши каза таап, 300 киши жараат алды. Кыргыз бийлиги интернеттеги нааразылык айтылган аймактардын жетекчилерине чара көрүлөрүн убада кылууда.
АКШ Иранга каршы сокку уруу же согушка аралашпоо чечимин эки апта ичинде кабыл алат. Ал тапта Орусия Украинанын Одесса шаарына дрондон чабуул жасады. Бишкекте соңку эки жылдын ичинде эле турак жайдын баасы 30 пайызга кымбаттады.
Иран менен Израилдин жаңжалы курчуп жатат. Бишкектин четиндеги айылда 1-класстын окуучусун үч өспүрүм зордуктап жүргөнүн баланын жакындары айтып чыкты. Бишкектеги электрдин жапырт өчүшүнүн себеби айтылды.
Президент Дональд Трамп Израилдин Иранга каршы соккуларына АКШнын катышуусун караштырып жатат. Бул тууралуу бир катар маалымат каражаттары өз булактарына таянып жазышты. Ал тапта Израилдин армиясы шаршембиге караган түнү Ирандын аскердик объектилерине жана курал-жарак заводуна сокку урду.
Америкалык маалымат каражаттары Дональд Трамп АКШнын Израилдин Иранга каршы соккуларына катышуусун караштырып жатканын жазышты. “Үч өспүрүм биринчи класстын окуучусун зордуктаган” деген маалымат боюнча кылмыш иши козголуп, шектүү катары 16 жаштагы өспүрүм кармалды.
Израилдин армиясы Ирандын Куралдуу күчтөрүнүн борбордук штабынын жаңы дайындалган жетекчиси Али Шадмани өлтүрүлгөнүн билдирди. Казакстандын борбору Астанада “Борбор Азия–Кытай” саммити башталууда. Абактагы журналист Канышай Мамыркулованын иши боюнча Октябрь райондук сотундагы отурум 26-июнга калды.
Дагы жүктөңүз
