Өтүп бара жаткан жыл Кыргызстанда саясий окуяларга бай болду. Жыл жаңырганда эле Бишкек жылуулук электр борборунда кырсык катталып, ал өкмөттү кризиске кептеди. Коомчулуктун назарында турган ушундай чуулуу саясий окуялардын бардыгы мурдагы жана жаңы президенттин ортосундагы адегенде көмүскө, кийин ачыкка чыккан тиреши менен коштолуп турду. "Эксперттер талдайт" берүүсүндө узап бара жаткан жылдагы саясий окуяларды талкуулайбыз. Талкууга коомдук ишмер, саясатчы Эдил Байсалов, журналист Аскер Сакыбаева, “Марал” радиосунун директору, экономист Руслан Акматбек жана Жогорку Кеңештин маалымат кызматынын башчысы, журналист Ибраим Нуракун уулу катышты.